Delhi Air pollution : വായു മലിനീകരണം(Delhi pollution) രൂക്ഷമായ സാഹചര്യത്തിൽ ഡൽഹിയിലേക്കുള്ള 18 ലധികം വിമാനങ്ങൾ വഴിതിരിച്ചു വിട്ടു(flights diverted). ആകാശപാത അവ്യക്തമായതിനെ തുടർന്ന് ജയ്പൂർ, ലഖ്‌നൗ, അഹമ്മദാബാദ്, അമൃത്സർ തുടങ്ങിയ നഗരങ്ങളിലേക്കാണ് വിമാനങ്ങൾ വഴിതിരിച്ചുവിട്ടത്. നിരവധി വിമാനങ്ങൾ വൈകുകയും ചെയ്തിരുന്നു. രാവിലെ 7.30 നും 10.30 നും ഇടയിൽ 18 വിമാനങ്ങളാണ് വഴിതിരിച്ചുവിട്ടതെന്ന് വൃത്തങ്ങൾ അറിയിച്ചു. “ഡൽഹിയിലെ മോശം കാലാവസ്ഥ കാരണം, പുറപ്പെടലുകളും/വരവും വിമാനങ്ങളുടെ സഞ്ചാരപാതയെ ബാധിച്ചേക്കാം. http://bit.ly/2tG9xBx വഴി യാത്രക്കാർ അവരുടെ ഫ്ലൈറ്റ് സ്റ്റാറ്റസ് പരിശോധിക്കാൻ അഭ്യർത്ഥിക്കുന്നു.”-സ്പൈസ്ജെറ്റ് എയർലൈൻസ് എക്സിലൂടെ പറഞ്ഞു.
അവ്യക്തത കാരണം ശനിയാഴ്ച ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ രണ്ട് വിമാനങ്ങൾ വഴിതിരിച്ചുവിടാൻ വിസ്താര എയർലൈൻസ് നിർബന്ധിതരായതായി കമ്പനി വക്താവ് വ്യക്തമാക്കി. അഹമ്മദാബാദിൽ നിന്ന് ഡൽഹിയിലേക്കുള്ള യുകെ 906 വിമാനം അഹമ്മദാബാദിലേക്കും മുംബൈയിൽ നിന്ന് ഡൽഹിയിലേക്കുള്ള യുകെ 954 വിമാനം ജയ്പൂരിലേക്കും തിരിച്ചുവിടുകയായിരുന്നു.
ഡൽഹിയിലെ മോശം കാലാവസ്ഥയാണ് ഈ വഴിതിരിച്ചുവിടലുകൾക്ക് പിന്നിൽ. 368 ആയിരുന്ന മൊത്തത്തിലുള്ള എയർ ക്വാളിറ്റി ഇൻഡക്‌സ് (എക്യുഐ) ‘ഗുരുതര’ വിഭാഗത്തിൽ നിന്ന് ‘അതിഗുരുതര’ വിഭാഗത്തിലേക്ക് മാറിയതിനാൽ ശനിയാഴ്ച ഡൽഹിയുടെ വായു ഗുണനിലവാരം നേരിയ പുരോഗതിയിലാണുള്ളത്.
ഇന്ന് രാവിലെ ആറുമണിക്ക് സെൻട്രൽ പൊല്യൂഷൻ കൺട്രോൾ ബോർഡ് (സിപിസിബി) രേഖപ്പെടുത്തിയ കണക്കുകൾ പ്രകാരം ലോധി റോഡ് ഏരിയയിലെ വായുവിന്റെ ഗുണനിലവാരം 349 ഉം ജവഹർലാൽ നെഹ്‌റു സ്റ്റേഡിയത്തിൽ AQI 366 ഉം ആനന്ദ് വിഹാർ ഏരിയയിൽ 388 ഉം ആയിരുന്നു.
ഡൽഹിയിലെ റീജിയണൽ മെറ്റീരിയോളജിക്കൽ സെന്റർ (ആർ‌എം‌ഡി) രാവിലെ മിതമായ മൂടൽമഞ്ഞ് പ്രവചിക്കുന്നുണ്ട്. കുറഞ്ഞ താപനില 12 ഡിഗ്രി സെൽഷ്യസും കൂടിയ താപനില 25 ഡിഗ്രി സെൽഷ്യസും, മഴയ്ക്ക് സാധ്യത വളരെ കുറവാണ്.
പൂജ്യത്തിനും 50നും ഇടയിലാണെങ്കിൽ വായു നിലവാര സൂചിക ‘മികച്ചത്’ എന്നാണ് കണക്കാക്കുക. 51നും 100നും ഇടയിലാണെങ്കിൽ ‘തൃപ്തികരം’, 101നും 200നും ഇടയിൽ ‘ ഇടത്തരം’, 201നും 300നും ഇടയിൽ ‘ഗുരുതരം’, 301നും 400നും ഇടയിൽ ‘അതി ഗുരുതരം’, 401നും 500നുമിടയിൽ ‘ഗുരുതരം’ എന്നിങ്ങനെയാണ് കണക്കാക്കുക.
അതേസമയം കഴിഞ്ഞ ദിവസങ്ങളിൽ ഡൽഹിയിലെ വായു ഗുണനിലവാരം ‘അതിഗുരുതര’ വിഭാഗത്തിൽ നിന്ന് ‘ഗുരുതര’ (very poor) വിഭാഗത്തിലേക്ക് മെച്ചപ്പെട്ടതായി അധികൃതർ അറിയിച്ചു. ഇതേ തുടർന്ന് ഡൽഹിയിലെ മലിനീകരണ നിയന്ത്രണ നടപടികൾ ലഘൂകരിക്കാൻ കേന്ദ്ര സർക്കാർ (central government) ഉത്തരവിട്ടു. നഗരത്തിന്റെ പ്രതിദിന ശരാശരി എയർ ക്വാളിറ്റി ഇൻഡക്‌സ് (എക്യുഐ), ദേശീയ തലസ്ഥാന മേഖലയിലും സമീപ പ്രദേശങ്ങളിലും എയർ ക്വാളിറ്റി മാനേജ്‌മെന്റ് കമ്മീഷൻ (സിഎക്യുഎം) (Air Quality Management), സ്റ്റേജ്-3 പ്രകാരമുള്ള നിയന്ത്രണങ്ങൾ കൊണ്ടുവരുമെന്നും കേന്ദ്രം വ്യക്തമാക്കിയിരുന്നു.
