കൊച്ചി: സിനിമ ഷൂട്ടിങ്ങിനിടെ നടൻ ആസിഫ് അലിക്ക് പരിക്ക്. രോഹിത് സംവിധാനം ചെയ്യുന്ന ടിക്കി ടാക്ക എന്ന ചിത്രത്തിന്റെ സെറ്റിൽ വെച്ചാണ് അപകടമുണ്ടായത്. കൊച്ചിയിലാണ് ചിത്രത്തിന്റെ ഷൂട്ടിംഗ് നടന്നത്.
അഡ്വഞ്ചേഴ്സ് ഒഫ് ഓമനക്കുട്ടൻ, ഇബിലീസ് എന്നീ ചിത്രങ്ങള്‍ക്കുശേഷം ആസിഫ് അലിയും രോഹിത് വി.എസും ഒരുമിക്കുന്ന ചിത്രമാണ് ടിക്കി ടാക്ക. ആക്ഷൻ ഗണത്തില്‍പ്പെടുന്ന ചിത്രത്തില്‍ 12 സംഘട്ടന രംഗങ്ങളുണ്ട്. ഗോദയിലൂടെ ശ്രദ്ധേയയായ വാമിഖ ഗബ്ബി ആണ് നായിക. ഹരിശ്രീ അശോകൻ, ലുക്‌മാൻ, സഞ്ജന നടരാജ്, സന്തോഷ് പ്രതാപ്, തുടങ്ങിയവരാണ് മറ്റു താരങ്ങള്‍. നിയോ കൃഷ്ണയാണ് സഹ തിരക്കഥാകൃത്ത്. അഡ്വഞ്ചേഴ്സ് കമ്ബനിയുടെ ബാനറില്‍ ജൂവിസ് പ്രൊഡക്ഷൻസ് ഒരുക്കുന്ന ചിത്രം സിജു മാത്യുവും നേവിസ് സേവ്യറും ചേര്‍ന്നാണ് നിര്‍മ്മാണം.
