മധ്യ ഗാസയിലെ ദെയ്‌ർ എൽബലായിൽ അൽ അഖ്‌സ ആശുപത്രിയിലേക്ക്‌ ഇസ്രയേൽ സൈന്യം നടത്തിയ ബോംബാക്രമണത്തിൽ 40 പേർ കൊല്ലപ്പെട്ടു. ബുധനാഴ്ചയായിരുന്നു ആക്രമണം. കൊല്ലപ്പെട്ടവരിൽ അഹമ്മദ്‌ ബാദിർ എന്ന മാധ്യമപ്രവർത്തകനുമുണ്ട്‌. ഇസ്രയേൽ തുടരുന്ന വംശഹത്യ തടയാൻ അന്താരാഷ്ട്ര സമൂഹം അടിയന്തരമായി ഇടപെടണമെന്ന്‌ ഗാസ ഭരണനേതൃത്വം ആവശ്യപ്പെട്ടു.
24 മണിക്കൂറിനിടെ ഇസ്രയേൽ ആക്രമണത്തിൽ ഗാസയിൽ 147 പേർ കൊല്ലപ്പെട്ടു. ഒക്ടോബർ ഏഴിനുശേഷം ഗാസയിൽ കൊല്ലപ്പെട്ടവരുശട എണ്ണം 23,357 ആയി. ഇസ്രയേലിന്റെ യുദ്ധക്കുറ്റങ്ങളിൽ പൊതുജനങ്ങൾക്കും സംഘടനകൾക്കും തെളിവ്‌ സമർപ്പിക്കാമെന്ന്‌ അന്താരാഷ്ട്ര ക്രിമിനൽ കോടതി പറഞ്ഞു. ഇതിനായി വെബ്‌സൈറ്റ്‌ തുറന്നു.
