ആലപ്പുഴ: മെത്താഫിറ്റമിനും കഞ്ചാവുമായി മൂന്ന് യുവാക്കള്‍ എക്സൈസ് പിടിയില്‍. മണ്ണഞ്ചേരി പഞ്ചായത്ത് വാര്‍ഡ് 19-ല്‍ വടക്കേക്കര വീട്ടില്‍ ദില്‍ഷാദ്(25), ആലപ്പുഴ വെസ്റ്റ് വില്ലേജ് ആലിശ്ശേരി വാര്‍ഡില്‍ സാബിത്ത് മൻസിലില്‍ സജിത്ത്(23), ആലപ്പുഴ മുനിസിപ്പാലിറ്റി ജില്ലകോടതി വാര്‍ഡില്‍ വെളിയില്‍ വീട്ടില്‍ വിഷ്ണു(30) എന്നിവരെയാണ് എക്സൈസ് പിടികൂടിയത്.
ക്രിസ്മസ്-പുതുവത്സര സ്പെഷല്‍ ഡ്രൈവിന്‍റെ ഭാഗമായി ആലപ്പുഴ എക്സൈസ് റേഞ്ച് ഇൻസ്പെക്ടര്‍ എസ്. സതീഷിന്‍റെ നേതൃത്വത്തില്‍ നടത്തിയ രാത്രികാല പരിശോധനയിലാണ് ഇവര്‍ പിടിയിലായത്. വില്‍പനക്കായി എത്തിച്ച 7.5 ഗ്രാം മെത്താഫിറ്റമിനും 12ഗ്രാം കഞ്ചാവും പിടിച്ചെടുത്തിട്ടുണ്ട്.
എക്സൈസ് പ്രിവന്‍റിവ് ഓഫീസര്‍മാരായ ഇ.കെ. അനില്‍, അക്ബര്‍, ഡി. മായാജി, വനിത സിവില്‍ എക്സൈസ് ഓഫീസര്‍ വിജി, സിവില്‍ എക്സൈസ് ഓഫീസര്‍മാരായ പ്രതീഷ് പി. നായര്‍, എച്ച്‌. മുസ്തഫ, ടി. അനില്‍കുമാര്‍, കെ.എസ്. ഷഫീക്ക് എന്നിവര്‍ പങ്കെടുത്തു. കോടതിയില്‍ ഹാജരാക്കിയ പ്രതികളെ റിമാൻഡ് ചെയ്തു.
