വോൾഫ്രാം സ്റ്റേഡിയത്തിൽഇനി കാൽപ്പന്ത് പോരാട്ടത്തിന്റെ നാളുകൾ;സെവൻസിലെ പുലിക്കുട്ടികൾ നേർക്ക് നേർ;റിയൽ ഇന്ത്യ വിഷൻ- സിറ്റി ഗോൾഡ്ക്ലബ് ചാംപ്യൻഷിപ്പിന്റെ ഫിക്സറുകൾ പുറത്ത്

കാസർകോട്; ഒക്ടോബർ 19 മുതൽ നവംബർ രണ്ട് വരെ ഉദുമ പാലക്കുന്ന് വോൾഫ്രാം സ്റ്റേഡിയത്തിൽ റിയൽ ഇന്ത്യൻ വിഷൻ ഒരുക്കുന്ന സിറ്റി ഗോൾഡ്‌ ഓൾ ഇന്ത്യ സെവൻസ് ക്ലബ്ബ് ചാമ്പ്യൻഷിപ്പിന്റെ ഫിക്സറുകൾ പുറത്ത്. 16 ടീമുകൾ മത്സരിക്കുന്ന ലീഗിൽ നോക്ക്ഔട്ട് രൂപത്തിലാണ് സജ്ജികരിച്ചിരിക്കുന്നത്. ഒക്ടോബർ 19 ന് ആരംഭിക്കുന്ന ഉദ്‌ഘാടന മത്സരത്തിൽ 162 ജാലീസ് മേൽപറമ്പും മുസാഫിർ എഫ്സി രാമന്തളിയും ഏറ്റുമുട്ടും. ഒക്ടോബർ 19 മുതൽ 26 വരെയാണ് ആദ്യ റൗണ്ട് മത്സരം. ഒക്ടോബർ 27 മുതൽ 30 വരെയാണ് ക്വാർട്ടർ പോരാട്ടം. ഒക്ടോബർ 31, നവംബർ 1, തിയ്യതികളിൽ സെമി പോരാട്ടവും നവംബർ രണ്ടിന് കലാശപോരാട്ടവും നടക്കും. മത്സരങ്ങൾ രാത്രി 8 മണിക്ക് ആരംഭിക്കും.

ആദ്യറൗണ്ട് ഫിക്സറുകൾ ഇപ്രകാരം

1. ഒക്ടോബർ 19: 62 ജാലീസ് മേൽപറമ്പ് vs മുസാഫിർ എഫ്സി രാമന്തളി
2. ഒക്ടോബർ 20: ഒഎഫ്സി കിഴൂർ vs അൽ മുതകമ്മൽ മൊഗ്രാൽ ബ്രദേഴ്‌സ്
3. ഒക്ടോബർ 21: എഫ്സികെ കാരപരമ്പ ( സെബാൻ കോട്ടക്കൽ) vs കാസർകോട് നാഷണൽ സ്പോർട്സ് ക്ലബ്
4. ഒക്ടോബർ 22: മംഗളൂരു യുണൈറ്റഡ് vs സെലക്റ്റട് ചെമ്പിരിക്ക
5. ഒക്ടോബർ 23: കെആർഎസ്സി കോഴിക്കോട് vs എഫ്സി പ്രിയദർശിനി
6. ഒക്ടോബർ 24: ചൂരി എഫ്സി vs ഗോൾഡ് സ്റ്റാർ കരിപ്പൊടി (അസാസ് എൽഇഡി ലൈറ്റ് മലപ്പുറം)
7. ഒക്ടോബർ 25 : എംസിസി മൊവ്വൽ ( എഫ്സി പെരിന്തൽമണ്ണ) vs എഫ്സി കറാമ മൊഗ്രാൽ പുത്തൂർ
8. ഒക്ടോബർ 26: ഗോൾഡ് ഹിൽ പടന്ന vs ഗ്രീൻ സ്റ്റാർ പടന്ന ( യൂറോ സ്പോർട്സ്)