പട്‌ന: മൂന്ന് വയസുകാരിയെ പീഡിപ്പിച്ച്‌ കൊലപ്പെടുത്തിയ സംഭവത്തില്‍ 20-കാരൻ അറസ്റ്റില്‍. ബിഹാറിലെ മുസാഫര്‍പൂരിലാണ് സംഭവം.
സംഭവത്തില്‍ പട്‌ന സ്വദേശി ലാല്‍ ബാബുവാണ് അറസ്റ്റിലായത്. മാതാവിനൊപ്പം ഉറങ്ങിക്കിടന്ന കുട്ടിയെ തട്ടികൊണ്ട് പോയാണ് ഇയാള്‍ പീഡിപ്പിച്ച്‌ കൊലപ്പെടുത്തിയത്.
കുട്ടിയെ കാണാതായതോടെയാണ് മാതാപിതാക്കളും ബന്ധുക്കളും തിരച്ചില്‍ ആരംഭിച്ചത്. സമീപവാസിയായ ലാല്‍ ബാബുവിനെ കുട്ടിയുടെ മാതാപിതാക്കള്‍ ഫോണില്‍ വിളിച്ചെങ്കിലും ഇയാള്‍ പ്രതികരിച്ചിരുന്നില്ല. ഇതോടെ ബന്ധുക്കള്‍ പോലീസിനെ വിവരമറിച്ചു. തുടര്‍ന്ന് പോലീസ് നടത്തിയ തിരച്ചിലിലാണ് കുട്ടിയുടെ മൃതദേഹം കണ്ടെത്തിയത്.
വീട്ടില്‍ നിന്നും 200 മീറ്റര്‍ മാറി കൃഷിയിടത്തില്‍ നിന്നാണ് കുട്ടിയുടെ മൃതദേഹം കണ്ടെടുത്തത്. ക്രൂരമായി പീഡിപ്പിച്ചതിന് ശേഷം കൊലപ്പെടുത്തി മൃതദേഹം കുഴിച്ചിടുകയായിരുന്നു.
