ദില്ലി : ദില്ലിയിലെ ഇസ്രായേല്‍ എംബസിയില്‍ ബോംബ് ഭീഷണി. വൈകിട്ട് ആറു മണിയോടെ എംബസിക്ക് സമീപത്ത് പൊട്ടിത്തെറിയുണ്ടായതായി ഫയര്‍ഫോഴ്‌സിന് ഫോണ്‍ സന്ദേശം ലഭിച്ചു.
എംബസിക്ക് സമീപം ഫോറന്‍സിക് സംഘവും ബോംബ് സ്‌ക്വാഡും പോലീസ് സംഘവും പരിശോധന നടത്തുകയാണ്. കനത്ത ജാഗ്രതയിലാണ് എംബസി.
എംബസിക്ക് മീറ്ററുകള്‍ അകലെ നിന്നും വലിയ പൊട്ടിത്തെറി ശബ്ദം കേട്ടുവെന്നും പുക ഉയര്‍ന്നുവെന്നും സുരക്ഷാ ജീവനക്കാരന്‍ തേജവ് ഛേത്രിയും പ്രതികരിച്ചു. പോലീസിനോട് കാര്യങ്ങള്‍ വിശദീകരിച്ചിട്ടുണെന്നും തേജവ് വ്യക്തമാക്കി. എന്നാല്‍ പൊട്ടിത്തെറിയുണ്ടായോ എന്ന് അധികൃതര്‍ സ്ഥിരീകരിച്ചിട്ടില്ല.
