അനുഭവങ്ങളുടെ തീചൂളകളെ കൈ മുതലാക്കി അറബ് മണ്ണിൽ തന്റെ ബിസിനസ് സാമ്രാജ്യത്തിന് വളക്കൂറിട്ട യുവ വ്യവസായിയാണ് സമീർ ജി കോം. പ്രവാസത്തിന്റെ കയ്പ്പിനും മധുരത്തിനുമിടയിലെ തന്റെ ആത്മവിശ്വാസവും സത്യസന്ധ്യതയും സമീർ മുറുകെ പിടിപ്പിച്ചപ്പോൾ യുഎഇയുടെ മണ്ണ് ഈ യുവാവിന് മുന്നിൽ പുതിയൊരു ലോകം തുറന്ന് കൊടുക്കുകയായിരുന്നു.
കാസർകോട് കിഴൂർ സ്വദേശിയായ സമീർ 90 കളുടെ അവസാനത്തിലാണ് യുഎഇയിലെത്തുന്നത്. നീണ്ട 7 വർഷക്കാലം ജേഷ്ഠ സഹോദരനെ സൂപ്പർ മാർക്കറ്റ് നടത്തിപ്പിൽ സഹായിക്കുമ്പോഴും യുഎഇയുടെ കമ്പോളങ്ങളിലെ സാധ്യതകളെ കുറിച്ചിയായിരുന്നു സമീറിന്റെ മനസ്സ് മുഴുവൻ. 2004 വരെ സഹോദരന്റെ സൂപ്പർ മാർക്കറ്റിലായിരുന്നു സമീർ പിന്നീട് ഒരു സ്വകാര്യ ഇളക്ട്രോണിക്ക് മൊബൈൽ ഷോപ്പിൽ സെയിൽസ് മാനായി ജോലി ചെയ്തു. ഈ സമയത്താണ് യുഎഇയുടെ ഇലക്ട്രോണിക്ക്- ടെലി രംഗത്തെ പുതിയ സാധ്യതകൾ സമീർ മനസ്സിലാക്കുന്നത്. തുടർന്ന് തന്റെ ആത്മവിശ്വാസം കൈ മുതലാക്കി 2014 ൽ ജീ കോം എന്ന മൊബൈൽ ഫോൺസ് ട്രെഡിങ് കമ്പനിക്ക് സമീർ തുടക്കം കുറിക്കുന്നു. ബിസിനസിലെ കൃത്യതയും സത്യവും ജി കോമിനും സമീറിനും ദുബായുടെ കമ്പോളങ്ങളിൽ പുതിയ മേൽവിലാസമുണ്ടാക്കി. തന്നോളം വളർന്ന തന്റെ ബ്രാൻഡ് നൈമിലൂടെ സമീർ പ്രിയപ്പെട്ടവരുടെ സ്വന്തം സമീർ ജി കോമായി മാറി.
2014 ൽ ആരംഭിച്ച ജി കോം ഇന്ന് വളർന്ന് മൊബൈൽ ഫോൺ ട്രേഡിങ്ങിനെ കൂടാതെ സീ കോം ഇലക്ട്രോണിക്സ് ന്യൂ ഡിജിറ്റൽ സോൺ എന്ന പേരിൽ ദുബായിലും ഒമാനിലും പ്രവർത്തിക്കുന്നുണ്ട്. ഈ സ്ഥാപനങ്ങളുടെ മാനേജിങ് ഡയറക്ടർ കൂടിയാണദ്ദേഹം.
2021 ൽ യുഎഇ ഗവർമെന്റ് വീശിഷ്ട വ്യക്തികൾക്ക് നൽകി വരുന്ന ഗോൾഡൻ വിസ നൽകി സമീർ ജി കോമിനെ ആദരിക്കുകയുണ്ടായി.
കിഴൂർ ജമാഅത്ത് യുഎഇ കമ്മിറ്റി ട്രഷറർ, ലക്കി സ്റ്റാർ കിഴൂർ യുഎഇ കമ്മിറ്റി പ്രസിഡന്റ്‌ എന്നീ സ്ഥാനങ്ങൾ അലങ്കരിക്കുന്ന സമീർ തന്റെ ബിസിനസ് വളർച്ചകൾക്കിടയിലും സാമൂഹ്യ കാരുണ്യ രംഗത്തെ നിറ സാനിധ്യം കൂടിയാണ്.
ഫെബ്രുവരി 21 ന് കാസർകോട് ബേക്കൽ ബീച്ച് പാർക്കിൽ റിയൽ ഇന്ത്യാ വിഷൻ ഒരുക്കുന്ന സിറ്റി ഗോൾഡ് മെഗാ ഫാമിലി ഇവന്റസ് ആൻഡ് എന്റർപ്യുനേഴ്സ് മീറ്റിൽ ഞങ്ങളുടെ കരുത്തായി അറബ് മണ്ണിൽ വിസ്മയം കാണിച്ച ഈ യുവ വ്യവസായി കൂടിയുണ്ടാകുമെന്ന് ഞങ്ങൾ അഭിമാനത്തോടെ പ്രഖ്യാപിക്കുകയാണ്
