ഫെബ്രുവരി 21 ന് കാസർകോട് ബേക്കൽ ബീച്ച്പാർക്കിൽ ഒരുങ്ങുന്ന റിയൽ ഇന്ത്യ വിഷൻ മെഗാ ഫാമിലി ഇവെന്റ്സ് ആൻഡ് എന്റർപ്യുനേഴ്സ് മീറ്റിന്റെ ബ്രോഷർ പ്രകാശനവും ഡയമണ്ട് കാർഡ് ദുബായ് ഫ്ലോറ ഇൻ ഹോട്ടലിൽ നടന്നു. ചടങ്ങിൽ വെൽഫിറ്റ് ഗ്രൂപ് ചെയർമാൻ യഹ്‌യ തളങ്കരയും വ്യവസായ പ്രമുഖൻ എൻഎ മുഹമ്മദും ബ്രോഷർ പ്രകാശനം നിർവഹിച്ചു.ഡയമണ്ട് കാർഡ് വിതരണത്തിന്റെ ഉദ്ഘാടനം നാലപ്പാട് ഇൻവെസ്റ്റ്മെന്റ് മാനേജിങ് ഡയറക്ടർ അബ്ദുല്ല നാലപ്പാട് പ്രവാസി വ്യവസായി സമീർ ജികോമിന് നൽകി നിർവഹിച്ചു.
പ്രോഗ്രാം കമ്മിറ്റി ചെയർമാൻ ജലീൽ കോയ, പ്രമുഖ വ്യവസായികളായ ഫൈസൽ മുഹ്സിൻ, എംഐഎസ് മുഹമ്മദ് കുഞ്ഞി, ഡോക്ടർ അബൂബക്കർ കുറ്റിക്കോൽ, പ്രോഗ്രാം സ്പോൺസറും മരവയൽ ഗ്രൂപ്പ് എംഡിയുമായ ഹനീഫ് മരവയൽ, പ്രമുഖ മാധ്യമ പ്രവർത്തകൻ ഷാഫി ഉത്തരദേശം, ഇല്യാസ് പള്ളിപ്പുറം, ടിആർ ഹനീഫ, അമീർ കല്ലട്ര, സലാം കന്യപ്പാടി, അബ്ദുല്ല കുഞ്ഞി എകെ ഡിസൈൻ, റൗഫ് കെജിഎൻ, സഫാൻ പാണലം, ഹസീബ് തളങ്കര, സിയാ കറാമ,സലിം ചേരങ്കൈ, ആരിഫ് കറാമ, നിയാസ് ചെടികമ്പനി, അസിസ് സിബി, തുടങ്ങിയവർ ചടങ്ങിൽ പങ്കെടുത്തു.
