കാസർകോട്: റിയൽ ഇന്ത്യ വിഷൻ – സിറ്റി ഗോൾഡ് അഖിലേന്ത്യ സെവൻസ് ക്ലബ് ചാമ്പ്യൻഷിപ്പിന്റെ ഫൈനൽ പോരാട്ടം നവംബർ 17 ന് രാത്രി എട്ടിന് ഉദുമ പാലക്കുന്ന് വോൾഫ്രാം സ്റ്റേഡിയത്തിൽ നടക്കും. ഫൈനൽ പോരാട്ടത്തിൽ നാഷണൽ സ്പോർട്സ് ക്ലബ് കാസർകോടും ഗോൾഡ് സ്റ്റാർ കരിപ്പൊടിയും ഏറ്റുമുട്ടും. ഗോൾഡ് സ്റ്റാർ കരിപ്പൊടിക്കായി അഖിലേന്ത്യ സെവൻസിലെ മികച്ച ക്ലബ്ബുകളിൽ ഒന്നായ സൂപ്പർ സ്റ്റുഡിയോ മലപ്പുറം കളത്തിലിറങ്ങും.
നേരത്തെ നവംബർ പത്തിനാണ് ഫൈനൽ മത്സരം നിശ്ചയിച്ചിരുന്നത്. എന്നാൽ നവംബർ 9 ന് നടന്ന രണ്ടാം സെമി ഫൈനലിന് ശേഷം നടന്ന അനിഷ്ട സംഭവങ്ങളെ തുടർന്ന് ഫൈനൽ മത്സരം മാറ്റിവെയ്ക്കുകയായിരുന്നു. അതേ സമയം ഫൈനൽ മത്സരം മാറ്റി വെച്ചതിൽ ആരാധകർക്കുണ്ടായ ബുദ്ധിമുട്ടിൽ ഖേദം പ്രകടിപ്പിക്കുന്നതായും ടൂർണമെന്റിന് ഇത് വരെ നൽകിയ പിന്തുണ ഫൈനൽ പോരാട്ടത്തിലും ഉണ്ടാവണെമന്നും സംഘാടകർ അറിയിച്ചു.
Final match of Real India Vision- City Gold Club Championship on November 17
