കോഴിക്കോട് ജില്ലയിലെ കുറ്റ്യാടിയില്‍ മാലിന്യം നിറഞ്ഞ ആളൊഴിഞ്ഞ കെട്ടിടത്തില്‍ തീപിടിത്തമുണ്ടായതായി അഗ്നിശമനസേനാ ഉദ്യോഗസ്ഥര്‍ അറിയിച്ചു.
കുറ്റ്യാടി ഗ്രാമപ്പഞ്ചായത്തിലെ ഹരിതകര്‍മസേനയുടെ നേതൃത്വത്തില്‍ ശേഖരിച്ച മാലിന്യങ്ങളാണ് കെട്ടിടത്തില്‍ നിറഞ്ഞിരിക്കുന്നതായി കണ്ടെത്തിയത്. വീടുകളില്‍ നിന്നും സ്ഥാപനങ്ങളില്‍ നിന്നും അജൈവ മാലിന്യങ്ങള്‍ ശേഖരിക്കുന്ന ഒരു ഹരിത സംരംഭമാണ് ഹരിത കര്‍മ്മ സേന . രാത്രി 9 മണിയോടെയാണ് തീപിടിത്തമുണ്ടായത്. ഫയര്‍ഫോഴ്‌സും നാട്ടുകാരും ചേര്‍ന്ന് തീയണക്കാനുള്ള ശ്രമത്തിലാണ്.
