കാസർകോടിന്റെ മാറ്റങ്ങൾക്ക് തുടക്കം കുറിക്കുന്ന പരിപാടിയായിരിക്കും റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റെന്നും പ്രസ്തുത പരിപാടിയുടെ ഭാഗമാവാൻ സാധിച്ചതിൽ സന്തോഷമുണ്ടെന്നും ജി കോം മാനേജിങ് ഡയറക്ടർ സമീർ ജി കോം. ദുബായ് ഫ്ലോറ ഇൻ ഹോട്ടലിൽ നടന്ന റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റിന്റെ ഡയമണ്ട് പാസ് നാലപ്പാട് ഇൻവെൻസ്റ്റ്മെന്റ് മാനേജിങ് ഡയറക്ടർ നാലപ്പാട് അബ്ദുള്ളയിൽ നിന്നും ഏറ്റുവാങ്ങി സംസാരിക്കുകയായിരുന്നു അദ്ദേഹം.
ചടങ്ങിൽ ഡയമണ്ട് കാർഡ് വിതരണത്തിന്റെ ഉദ്ഘാടനം നാലപ്പാട് ഇൻവെസ്റ്റ്മെന്റ് മാനേജിങ് ഡയറക്ടർ അബ്ദുല്ല നാലപ്പാട് പ്രവാസി വ്യവസായി സമീർ ജികോമിന് നൽകി നിർവഹിച്ചു. പ്രവാസ ലോകത്തെ നിരവധി വ്യവസായ പ്രമുഖരും പൗരപ്രമുഖരുമാണ് ചടങ്ങിൽ സംബന്ധിച്ചത്.ഫെബ്രുവരി 21 നാണ് കാസർകോട് ബേക്കൽ ബീച്ച് പാർക്കിൽ റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റ് ഒരുങ്ങുന്നത്. അവതാരിക മീരാ അനിൽ, സംഗീത ലോകത്ത് നിന്നും ഫാത്തിമ ജഹാൻ, അക്ബർ തുടങ്ങീ കലാകാരന്മാരും പ്രസ്തുത പരിപാടിയിൽ പങ്കെടുക്കുന്നുണ്ട്.
