ക്രിക്കറ്റ് സീസണ്‍ മുന്നിൽ കണ്ട് പുതിയ പ്ലാനുമായി ജിയോ. പ്രത്യേക ഡാറ്റാ ആഡ്-ഓണ്‍ പാക്കേജ് ആണ് ജിയോ പ്രഖ്യാപിച്ചിരിക്കുന്നത്. പുതിയ ജിയോഹോട്ട്‌സ്റ്റാര്‍ പ്ലാറ്റ്‌ഫോമിലേക്കുള്ള സബ്‌സ്‌ക്രിപ്ഷന്‍ സഹിതം 195 രൂപ പാക്കേജാണ് ജിയോ പ്രഖ്യാപിച്ചത്.
പുതിയ ഒടിടി പ്ലാറ്റ്‌ഫോമായ ജിയോഹോട്ട്‌സ്റ്റാറിന്‍റെ സബ്സ്‌ക്രിപ്ഷനോടെയുള്ള ഡാറ്റ-ഒണ്‍ലി പാക്കാണിത്. 195 രൂപയ്ക്ക് റീച്ചാര്‍ജ് ചെയ്യുമ്പോള്‍ ജിയോ ഹോട്ട്‌സ്റ്റാറിന്‍റെ മൊബൈല്‍ സബ്‌സ്‌ക്രിപ്ഷന്‍ 90 ദിവസ വാലിഡിറ്റിയോടെ ലഭിക്കും. 90 ദിവസത്തേക്ക് 15 ജിബി ഡാറ്റ ആഡ്-ഓൺ ആയും ലഭിക്കും.ആക്റ്റീവ് വാലിഡിറ്റിയുള്ള ബേസ് സര്‍വീസ് പ്ലാനുണ്ടെങ്കില്‍ മാത്രമേ 195 രൂപ പാക്ക് ഉപയോഗിക്കാനാകൂ എന്നോര്‍ക്കുക.
പുരോഗമിച്ചുകൊണ്ടിരിക്കുന്ന ചാമ്പ്യന്‍സ് ട്രോഫി ക്രിക്കറ്റും വരാനിരിക്കുന്ന ഐപിഎല്‍ 2025 ഉം ജിയോഹോട്ട്‌സ്റ്റാര്‍ പ്ലാറ്റ്‌ഫോമിലാണ് സ്ട്രീമിംഗ് ചെയ്യുന്നത്. ക്രിക്കറ്റ് ആരാധകരെ മുന്നിൽ കണ്ടാണ് ജിയോയുടെ ഈ നീക്കം.