കാസർകോടിന്റെ സാംസ്‌കാരിക രംഗത്ത് വലിയ മാറ്റങ്ങളുണ്ടാവണമെന്ന് ആഗ്രഹിക്കുന്ന ഒട്ടനവധി കാസർകോട്ടുകാരുണ്ട്. രാത്രി നേരത്തേയുറങ്ങുന്ന നഗരം എന്ന ചീത്തപ്പേര് നമ്മൾ പതിയെ മാറ്റിയെടുക്കാൻ ശ്രമിക്കുന്നുണ്ടെങ്കിലും ഇന്നും രാത്രി ഇരുട്ടുന്നതിന് മുമ്പേ പെട്രോൾ പമ്പുകൾ പോലുള്ള അടിസ്ഥാന സൗകര്യങ്ങൾ നമ്മുടെ നഗരത്തിൽ ഇപ്പോഴുമില്ല. സംസാകാരികമായി വലിയ മാറ്റങ്ങൾ ഉണ്ടായാൽ മാത്രമേ നമ്മുടെ നാട് നമ്മളാഗ്രഹിക്കുന്നത് പോലെ മാറ്റങ്ങൾക്ക് വിധേയമാകുകയുള്ളു. ഇന്ന് നമ്മുടെ നാട്ടിൽ പതിവിന് വിപരീതമായി ഒരുപാട് സാംസ്‌കാരിക പരിപാടികൾ സംഘടിപ്പിക്കപ്പെടുന്നുണ്ട്. കാസർകോടുകാർ ഇത്തരം പരിപാടികൾ നല്ല രീതിയിൽ ആസ്വദിക്കുന്നുമുണ്ട്.
എന്നാൽ കാസർകോട് ഇനിയും ഇത്തരത്തിലുള്ള ഒട്ടനവധി കലാ പരിപാടികൾ ഉണ്ടാകണമെന്ന് ആഗ്രഹിക്കുന്ന വ്യക്തിയാണ് അൽ ഹവാസ് ട്രേഡിങ് ആൻഡ് ടെൻ സ്റ്റാർ ട്രേഡിങ് ചെയർമാനായ സികെവി യൂസഫ്. ജന്മം കൊണ്ട് അദ്ദേഹം കാസർകോട്ടുകാരന് അല്ലെങ്കിലും നമ്മുടെ നാടിനെ നമ്മളിലൊരാളായി സ്നേഹിക്കുന്ന വ്യക്തിയാണ് സികെവി യൂസഫ്. ഒമാനിൽ നിരവധി ബിസിനസ് സ്ഥാപനങ്ങളുള്ള സികെവി യൂസഫ് കലാ പരിപാടികളെ ഇഷ്ടപ്പെടുകയും പ്രോത്സാഹനം നൽകുകയും ചെയ്യുന്ന വ്യക്തി കൂടിയാണ്.റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ & എന്റർപ്യുനേഴ്സ് മീറ്റിന്റെ പ്രോഗ്രാം സ്പോൺസറായി അദ്ദേഹം മാറിയതും കലയോടുള്ള അതിയായ സ്നേഹം കൊണ്ട് തന്നെയാണ്.
ജീവിതത്തിന്റെ കഷ്ടപ്പാടുകൾ താണ്ടിയും പ്രതിസന്ധികളെ തരണം ചെയ്തുമാണ് സികെവി യൂസഫ് തന്റെ ജീവിതം കെട്ടിപ്പടുത്തത്. എന്നാൽ ഉയർച്ചകൾ സ്വന്തമാക്കിയപ്പോഴും വന്ന വഴികൾ മറക്കാതെ അദ്ദേഹം കഷ്ടതയനുഭവിക്കുന്നവരുടെ കരങ്ങൾക്ക് ശക്തി പകർന്നു. പൗര പ്രമുഖൻ, വ്യവസായി, ജീവകാരുണ്യ പ്രവർത്തകൻ തുടങ്ങീ മേഖലകളിൽ നിറഞ്ഞ് നിൽക്കുന്ന സികെവി യൂസഫ് റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ & എന്റർപ്യുനേഴ്സ് മീറ്റിന്റെ പ്രോഗ്രാം സ്പോൺസർ ആവുമ്പോൾ ഞങ്ങൾക്കും അഭിമാനിക്കാനേറെയുണ്ട്
