പെൺകുട്ടിയുമായി അടുപ്പത്തിലായിരുന്ന പ്രതി പ്രായപൂർത്തിയായാൽ കുട്ടിയെ വിവാഹം കഴിക്കാമെന്ന് വാഗ്ദാനം നൽകിയായിരുന്നു പീഡനത്തിനിരയാക്കിയത്.
ചെങ്ങന്നൂർ: പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് വശത്താക്കിയതിന് പിന്നാലെ ലൈംഗികാതിക്രമം. വെൺമണി സ്വദേശിനിയായ 14 വയസുകാരിയെയാണ് യുവാവ് പീഡിപ്പിച്ചത്. പെൺകുട്ടിയുമായി അടുപ്പത്തിലായിരുന്ന പ്രതി പ്രായപൂർത്തിയായാൽ കുട്ടിയെ വിവാഹം കഴിക്കാമെന്ന് വാഗ്ദാനം നൽകിയായിരുന്നു പീഡനത്തിനിരയാക്കിയത്. സംഭവത്തിൽ വെൺമണി ഏറം മുറിയിൽ കല്ലിടാംകുഴിയിൽ തുണ്ടിൽ 19 വയസുള്ള സ്വദേശിയാണ് അറസ്റ്റിലായത്. വിവാഹ വാഗ്ദാനം നൽകി പെൺകുട്ടിയെ വശത്താക്കിയ ഇയാൾ കുട്ടിയുടെ വീട്ടിലെത്തി ഭീഷണിപ്പെടുത്തി പീഡിപ്പിക്കുകയായിരുന്നു. അതിക്രമം തടയാൻ ശ്രമിച്ച കുട്ടിയുടെ രക്ഷിതാക്കളെയും പ്രതി കയ്യേറ്റം ചെയ്യുകയും ഇവർക്ക് നേരെ ഭീഷണി മുഴക്കുകയും ചെയ്തു.
സംഭവത്തിന് പിന്നാലെ പെൺകുട്ടിയുടെ രക്ഷിതാക്കൾ നൽകിയ പരാതിയുടെ അടിസ്ഥാനത്തിലാണ് പ്രതി പിടിയിലായത്. ഒളിവിലായിരുന്ന പ്രതിയെ തിരുവല്ലാ ഭാഗത്ത് വച്ച് ആണ് പോലീസ് പിടികൂടുന്നത്. അറസ്റ്റ് ചെയ്ത പ്രതിയെ ചെങ്ങന്നൂർ ജുഡീഷ്യൽ ഒന്നാം ക്ലാസ് മജിസ്റ്റ്രേറ്റ് കോടതിയിൽ ഹാജരാക്കി. പ്രതിയെ കോടതി 14 ദിവസത്തേക്ക് റിമാൻഡ് ചെയ്തു.
