2024 സീസണിലെ എൻഎ ട്രോഫി സെവൻസിന് ജനുവരി 18 ന് തുടക്കം. കഴിഞ്ഞ ദിവസം ചേർന്ന ഒഫൻസ് കിഴൂരിന്റെ യോഗത്തിലാണ് എൻഎ ട്രോഫി സെവൻസിന്റെ തിയ്യതി പ്രഖ്യാപിച്ചത്. 2023 സീസണിൽ നടന്ന എൻഎ ട്രോഫി പോരാട്ടത്തിൽ 16 ടീമുകളാണ് മത്സരിച്ചത്. ഫൈനൽ മാമാങ്കത്തിൽ അലി കാപ്പ് ചട്ടഞ്ചാലിനെ പരാജയപ്പെടുത്തി ഗ്രീൻ സ്റ്റാർ പച്ചക്കാടാണ് ജേതാക്കളായത്. ഇത്തവണയും ശക്തമായ ടീമുകൾ തന്നെയാണ് എൻഎ ട്രോഫി സെവൻസിൽ ഏറ്റുമുട്ടുക. ഇന്ത്യയിലെയും വിദേശത്തെയും നിരവധി താരങ്ങൾ ടൂർണമെന്റിൽ ഏറ്റുമുട്ടും.
അതെ സമയം, കഴിഞ്ഞ ദിവസം എൻഎ ട്രോഫി സെവന്സിന്റെ സംഘടക സമിതിയെ തിരഞ്ഞെടുത്തിരുന്നു. ഒഫൻസ് കിഴൂർ ക്ലബ് പ്രസിഡന്റ് മൊയ്‌തു ഹാജിയുടെ അധ്യക്ഷതയിൽ നടന്ന യോഗത്തിലാണ് പുതിയ സീസണിലേക്കുള്ള സംഘടക സമിതിയെ തിരഞ്ഞെടുത്തത്. സിദ്ധീക്ക്‌ കോയയെ സംഘടക സമിതി ചെയർമാനായി തിരഞ്ഞെടുത്തു. വൈസ് ചെയർമാനായി അച്ചു ടികെ, ഹാരിസ് എംകെ എന്നിവരെയും കൺവീനറായി മുനീർ മിലിറ്ററിയെയും ജോയിന്റ് കൺവീനറായി അമീർ ഡോൺ, നാസർ എംകെ എന്നിവരെയും തിരഞ്ഞെടുത്തു. മൊയ്‌തു ടിഎയെയാണ് ട്രഷറർ.
2023 സീസണിൽ നടന്ന എൻഎ ട്രോഫി മത്സരങ്ങൾ കൊണ്ടും ജനപങ്കാളിത്വം കൊണ്ടും സംഘടക മികവ് കൊണ്ടും ഏറെ ശ്രദ്ധനേടുകയും ചെയ്‌തെന്നും ഇത്തവണ അതിലും മികച്ച രീതിയിലായിരിക്കും എൻഎ ട്രോഫി പോരാട്ടങ്ങൾ നടക്കുകയെന്ന് യോഗത്തിൽ സംസാരിച്ച ക്ലബ് പ്രസിഡന്റ് മൊയ്‌ദു ഹാജി സംസാരിച്ചു. സംഘാടകർ മികവ് കാണിച്ചതോടെ കഴിഞ്ഞ സീസണിൽ ഒരൊറ്റ പോലീസുകാരനെയും ഡ്യുട്ടിയ്ക്ക് നിർത്താതെയാണ് എൻഎ ട്രോഫി പൂർത്തീകരിച്ചതെന്നും ക്ലബ് സെക്രട്ടറി മനാഫ് ടികെ പറഞ്ഞു. എൻഎ ട്രോഫിയുടെ വൻ വിജയത്തിനായി ഒഫൻസ് കിഴൂർ യുഎഇ കമ്മിറ്റിയും സജീവമായ തയാറെടുപ്പിലാണ്
