കാസർകോടിന്റെ സാംസ്‌കാരിക മേഖലയിൽ വൻ ചലനമുണ്ടാക്കാൻ കഴിയുന്ന ഉദ്യമമാണ് റിയൽ ഇന്ത്യ വിഷൻ മെഗാ ഫാമിലി ഇവെന്റ്സ് ആൻഡ് എന്റർപ്യുനേഴ്സ് മീറ്റെന്ന് പൗരപ്രമുഖനും വെൽഫിറ്റ് ഗ്രൂപ് ചെയർമാനുമായ യഹ്യ തളങ്കര.സാംസ്‌കാരിക മേഖലയിൽ അഭിമാനിക്കാൻ വക നൽകുന്ന ജില്ലയാണ് നമ്മുടെ കാസർകോട്. എന്നാൽ കുറച്ച് കാലമായി മന്ദഗതിയിലായിരുന്ന കാസർകോടിന്റെ സാംസ്‌കാരിക മേഖല വീണ്ടും ഉയർത്തെഴുന്നേൽക്കുന്ന കാഴ്ച നമ്മൾ കണ്ടു. റിയൽ ഇന്ത്യ വിഷന്റെ ഈ ഉദ്യമം കാസർകോടിനും ജില്ലയുടെ സാംസ്‌കാരിക മേഖലയ്ക്കും പുതിയ മൈലേജ് നൽകുമെന്നും അദ്ദേഹം കൂട്ടിച്ചേർത്തു. ദുബായ് ഫ്ലോറ ഇൻ ഹോട്ടലിൽ നടന്ന റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റിന്റെ ബ്രോഷർ പ്രകാശന, ഡയമണ്ട് കാർഡ് വിതരണ ചടങ്ങിൽ വ്യവസായ പ്രമുഖൻ ഡോ എൻഎ മുഹമ്മദുമായി ചേർന്ന് ബ്രോഷർ പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
ചടങ്ങിൽ ഡയമണ്ട് കാർഡ് വിതരണത്തിന്റെ ഉദ്ഘാടനം നാലപ്പാട് ഇൻവെസ്റ്റ്മെന്റ് മാനേജിങ് ഡയറക്ടർ അബ്ദുല്ല നാലപ്പാട് പ്രവാസി വ്യവസായി സമീർ ജികോമിന് നൽകി നിർവഹിച്ചു. പ്രവാസ ലോകത്തെ നിരവധി വ്യവസായ പ്രമുഖരും പൗരപ്രമുഖരുമാണ് ചടങ്ങിൽ സംബന്ധിച്ചത്.ഫെബ്രുവരി 21 നാണ് കാസർകോട് ബേക്കൽ ബീച്ച് പാർക്കിൽ റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റ് ഒരുങ്ങുന്നത്. അവതാരിക മീരാ അനിൽ, സംഗീത ലോകത്ത് നിന്നും ഫാത്തിമ ജഹാൻ, അക്ബർ തുടങ്ങീ കലാകാരന്മാരും പ്രസ്തുത പരിപാടിയിൽ പങ്കെടുക്കുന്നുണ്ട്.
