ദുബായ്: യുഎയിലെ പ്രമുഖ അഭിഭാഷകനും ദുബൈ അൽ നഖ്‌വി അഡ്വകേറ്റ്സ് ആൻഡ് ലീഗൽ കൺസൾടൻസ്‌ എംഡിയുമായ അഡ്വ: ഇബ്രാഹിം ഖലീലുമായി റിയൽ ഇന്ത്യ വിഷൻ മെഗാ മീറ്റ് സംഘം ചർച്ച നടത്തി. റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റിന്റെ അനുബന്ധ പരിപാടികൾക്കായി റിയൽ ഇന്ത്യ വിഷൻ മെഗാ മീറ്റ് പ്രതിനിധികൾ രണ്ട് ദിവസങ്ങൾക്ക് മുമ്പ് ദുബായിലെത്തിയിരുന്നു. റിയൽ ഇന്ത്യ വിഷൻ പ്രോഗ്രാം കമ്മിറ്റി ചെയർമാൻ ജലീൽ കോയ, കൺവീനർ ശരീഫ് സലാല, ഓർഗനൈസർ ബികെ ഷാ എന്നിവരടങ്ങുന്ന മൂന്നംഗ സംഘമാണ് ദുബായിലെത്തിയത്. ദുബായിലെ പ്രവാസി വ്യവസായികളുമായി നടത്തുന്ന ചർച്ചകളുടെ ഭാഗമായാണ് ഡോ അബൂബക്കർ കുറ്റിക്കോലുമായി സംഘം ചർച്ച നടത്തിയത്.
ഫെബ്രുവരി 21 ന് കാസർകോട് ബേക്കൽ ബീച്ച് പാർക്കിൽ നടക്കുന്ന റിയൽ ഇന്ത്യ വിഷൻ മെഗാ ഫാമിലി ഇവന്റസ്‌ ആൻഡ് എന്റർപ്യുനേഴ്സ് മീറ്റിന്റെ ഡയമണ്ട് കാർഡും പ്രോഗ്രാം കമ്മിറ്റി ചെയർമാൻ ജലീൽ കോയ അദ്ദേഹത്തിന് കൈമാറി. ചടങ്ങിൽ റഹ്മാൻ മലപ്പുറം, ബികെ മുഹമ്മദ് ഷാ, ശരീഫ് സലാല, ഹനീഫ് കാസർകോട്, നിയാസ് കിഴൂർ എന്നിവർ പങ്കെടുത്തു.
