കോഴിക്കോട്: ആന്ധ്രപ്രദേശില്‍ നിന്നും കാറില്‍ കോഴിക്കോട് വില്‍പനക്കെത്തിച്ച 55 കിലോ കഞ്ചാവുമായി രണ്ടു പേർ അറസ്റ്റിലായി.
ചാത്തമംഗലം നെല്ലിക്കോട് പറമ്ബില്‍ എൻ.പി. മുരളീധരൻ (40), പനത്തടി പള്ളികുന്നേല്‍ വീട്ടില്‍ പി.പി. ജോണ്‍സൻ (58) എന്നിവരെയാണ് പിടികൂടിയത്. ഇവർ കടത്താൻ ശ്രമിച്ച കഞ്ചാവിന് 20 ലക്ഷത്തോളം രൂപ വില വരും.ഇവരെ പൂവാട്ട്പറമ്ബ് തോട്ടുമുക്ക് ഭാഗത്തുനിന്നാണ് പിടികൂടിയത്. മുരളീധരൻ കഞ്ചാവ് കാറില്‍ കടത്തിയതിന് ആന്ധ്ര ജയിലില്‍ ശിക്ഷയില്‍ കഴിഞ്ഞയാളാണ്.
