കോതമംഗലം: നെല്ലിമറ്റത്ത് കാറും രണ്ട് ഇരുചക്രവാഹനങ്ങളും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു.
ബൈക്ക് യാത്രികനായ മൂവാറ്റുപുഴ മുളവൂർ വെള്ളത്തിനാനിക്കല്‍ ബേസില്‍ ജോയ് (27) ആണ് മരിച്ചത്. അപകടത്തില്‍ കുട്ടി ഉള്‍പ്പെടെ മൂന്നുപേർക്ക് സാരമായി പരിക്കേറ്റു. ശനിയാഴ്ച ഉച്ചയ്ക്ക് 12 മണിയോടെയാണ് അപകടമുണ്ടായത്.
കൂട്ടിയിടിച്ച മൂന്ന് വാഹനങ്ങളും ദേശീയപാതാ വികസനത്തിനായി താഴ്‌ത്തിയ കാനയിലേക്ക് മറിഞ്ഞു. സ്‌കൂട്ടറില്‍ യാത്ര ചെയ്തിരുന്ന പയ്യാലില്‍ കരിയാട്ടുകുടി ഇന്ദു സജി (38), മകൻ സിദ്ധാർത്ഥ് (11), കാറില്‍ ഉണ്ടായിരുന്ന കൊച്ചി ചാലിയാട്ട് പേളി പോള്‍ (27) എന്നിവർക്കാണ് പരിക്കേറ്റത്. ഇവരെ കോതമംഗലത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്ദു സജിയെ പിന്നീട് ആലുവയിലെ സ്വകാര്യ ആശുപത്രിയിലേക്ക് മാറ്റി.
