ആറു വയസ്സുകാരനെ വെടിവെച്ച്‌ കൊന്ന്‌ ഒമ്പത് വയസ്സുകാരൻ
ഒമ്പത് വയസുകാരനെ ആറു വയസുകാരൻ വെടിവെച്ചു കൊന്നു. ആറു വയസുകാരന്റെ തലയ്ക്ക് വെടിയേറ്റതായി വാർത്താ ഏജൻസിയായ സിഎൻഎൻ റിപ്പോർട്ട് ചെയ്തു. അമേരിക്കയിലാണ്‌ ലോകത്തെ നടുക്കിയ സംഭവം. ഫ്‌ലോറിഡയിലെ ജാക്സൺവില്ലയിലാണ് കൊലപതാകം നടന്നത്‌. ഗുരുതരമായി പരിക്കേറ്റ കുട്ടിയെ ആശുപത്രിയിലെത്തിച്ചെങ്കിലും മരണം സംഭവിച്ചു.
വെടിവെയ്പ് നടക്കുമ്പോൾ വീട്ടിൽ മറ്റൊരാളും ഉണ്ടായിരുന്നുവെന്ന് ജാക്‌സൺവില്ലെ ഷെരീഫ് ( നിയമപാലകൻ) ഓഫീസ് അസിസ്റ്റന്റ് ചീഫ് ജെ.ഡി സ്‌ട്രോങ്കോ വാർത്താ ഏജൻസികളോട് പറഞ്ഞു. വീട്ടിലുണ്ടായിരുന്ന മുതിർന്നയാളെ അധികൃതർ ചോദ്യം ചെയ്തിട്ടുണ്ടെന്നും സ്‌ട്രോങ്കോ പറഞ്ഞു. ഇതൊരു കൊലപാതക ശ്രമമല്ലെന്നും സംഭവത്തിൽ ആരെയും ഇതുവരെ അറസ്റ്റ് ചെയ്തിട്ടില്ലെന്നും സ്‌ട്രോങ്കോ പറഞ്ഞു. എന്നാൽ, സംഭവത്തെക്കുറിച്ച് പരിശോധിച്ചുവരികയാണെന്നും അദ്ദേഹം പറഞ്ഞു.
രണ്ട് ആൺകുട്ടികളും ഇവരുടെ മാതാപിതാക്കളും തമ്മിലുള്ള ബന്ധവും എന്താണെന്ന് വ്യക്തമല്ലെന്ന് പോലീസ് ഉദ്യോഗസ്ഥർ സിഎൻഎന്നിനോട് പറഞ്ഞു. സംഭവത്തെക്കുറിച്ച് അധികാരികൾ കൂടുതൽ വിവരങ്ങൾ പുറത്തുവിട്ടില്ല. ‘പ്രായപൂർത്തിയാകാത്ത കുട്ടിക്ക് ഒരു തോക്ക് ലഭിക്കുകയും ഇരയെ വെടിക്കുകയുമായിരുന്നു. എന്നാൽ ഇത് ഒരു ആസൂത്രിത കൊലപാതകമല്ല’ സ്‌ട്രോങ്കോയെ ഉദ്ധരിച്ച് ഫ്‌ലോറിഡ ടൈംസ്-യൂണിയൻ പത്രം റിപ്പോർട്ട് ചെയ്തു.
