കാസർകോട്: ഒക്ടോബർ 19 മുതൽ നവംബർ രണ്ട് വരെ ഉദുമ പാലക്കുന്ന് വോൾഫ്രാം സ്റ്റേഡിയത്തിൽ റിയൽ ഇന്ത്യൻ വിഷൻ ഒരുക്കുന്ന സിറ്റി ഗോൾഡ്‌ ഓൾ ഇന്ത്യ സെവൻസ് ക്ലബ്ബ് ചാമ്പ്യൻഷിപ്പിന്റെ ഉദ്‌ഘാടന ചടങ്ങിന് പ്രമുഖ ഇൻഫ്ളുവന്സറും ഫ്രീസ്റ്റൈൽ ഫുട്ബോൾ താരം ജാസിം അഹമ്മദ് പങ്കെടുക്കും. ഫ്രീസ്റ്റൈൽ ഫുട്ബാളിൽ കേരളമൊട്ടാകെ ആരാധകരുള്ള താരമാണ് ജാസിം. നേരത്തെ പ്രഥമ സൂപ്പർ ലീഗ് കേരള ടീം കാലിക്കറ്റ് എഫ്സിയുടെ പ്രചാരണ ഭാഗമായും ജാസിം ഫ്രീ സ്റ്റൈൽ ഫുട്ബാൾ കാഴ്ച്ച വെച്ചിട്ടുണ്ട്
അതേ സമയം, ഇന്ന് തുടക്കമാവുന്ന ക്ലബ് ചാമ്പ്യൻഷിപ്പിന്റെ ഉദ്‌ഘാടന മത്സരത്തിൽ 162 ജാലീസ് മേൽപറമ്പും മുസാഫിർ എഫ്സി രാമന്തളിയും ഏറ്റുമുട്ടും. ഒക്ടോബർ 19 മുതൽ 26 വരെയാണ് ആദ്യ റൗണ്ട് മത്സരങ്ങൾ. ഒക്ടോബർ 27 മുതൽ 30 വരെയാണ് ക്വാർട്ടർ പോരാട്ടങ്ങൾ. ഒക്ടോബർ 31, നവംബർ 1, തിയ്യതികളിൽ സെമി പോരാട്ടങ്ങളും നവംബർ രണ്ടിന് കലാശപോരാട്ടവും നടക്കും. മത്സരങ്ങൾ രാത്രി 8 മണിക്ക് ആരംഭിക്കും. സെവൻസ് മൈതാനത്തിലെ ഒരു പിടി മികച്ച താരങ്ങൾ കൂടി ടൂർണമെന്റിൽ പങ്കെടുക്കുന്നുണ്ട്.
:
