ട്രാവൽ വ്‌ളോഗറായ മല്ലു ട്രാവലറിനെതിരെ പീഡന പരാതി നൽകിയതിന് പിന്നാലെ ഗുരുതര ആരോപണങ്ങളുമായി സൗദി യുവതി യുട്യൂബിൽ. അന്ന് ഫ്ലാറ്റിൽ നടന്ന കാര്യങ്ങൾ തന്റെ യുട്യൂബ് ചാനലിലൂടെ പുറത്തുവിട്ടിരിക്കുകയാണ് യുവതി. അതേസമയം യുവതിയുടെ പരാതിയിൽ പോലീസ് കേസെടുക്കുകയും വിവരം മാധ്യമങ്ങൾ ഏറ്റെടുക്കയും ചെയ്തതോടെ താൻ നിരപരാധിയാണെന്ന് പറഞ്ഞ് മല്ലു ട്രാവലർ യുട്യൂബ് വീഡിയോയുമായി എത്തിയിരുന്നു. ഇതിന് പിന്നാലെയാണ് യുവതി ഗുരുതര ആരോപണങ്ങളുമായി വീഡിയോ പുറത്തുവിട്ടത്.
സൗദി വനിതയേയും സുഹൃത്തിനേയും താൻ കണ്ടിട്ടുണ്ട്. എന്നാൽ അവർ പരാതി നൽകിയ പോലെ ഒന്നും നടന്നിട്ടില്ലെന്ന് മല്ലു ട്രാവലർ യുട്യൂബിൽ പങ്കുവെച്ച വീഡിയോയിൽ പറയുന്നു. എന്നാൽ ഇന്റർവ്യൂന്റെ ആവശ്യത്തിനായി ഫ്ലാറ്റിലെത്തിയ തന്നെ മല്ലു ട്രാവലർ കയറി പിടിക്കുകയും ചുംബിക്കുകയും ചെയ്തു എന്നാണ് യുവതി പങ്കുവെച്ച വീഡിയോയിൽ പറയുന്നത്.
- Advertisement –
തന്നേയും സുഹൃത്തിനേയും മല്ലു ട്രാവലർ ഫ്ലാറ്റിലേക് ക്ഷണിക്കുകയായിരുന്നു. ഫ്ലാറ്റിലെത്തിയ തന്നെ റൂമിലേക്ക് കൊണ്ടുപോയി. ഈ സമയം തന്റെ സുഹൃത്ത് റൂമിന് പുറത്ത് നിൽക്കുകയായിരുന്നു. റൂമിൽവെച്ച് അയാൾ തന്റെ മാറിടത്തിൽ പിടിച്ചു. കവിളിൽ ഉമ്മ വെച്ചു. കിടക്കയിലേക്ക് തള്ളിയിടാൻ ശ്രമിച്ചു. കൂടാതെ അയാൾ അയാളുടെ സ്വകാര്യ ഭാഗം കൊണ്ട് തന്റെ ശരീരത്തിൽ സ്പർശിച്ചു. തനിക്ക് തലപ്പര്യമില്ലെന്ന് പറഞ്ഞ് താൻ റൂമിൽ നിന്നും പുറത്തിറങ്ങുകയും വിവരം സുഹൃത്തിനെ അറിയിച്ച് അവിടെ നിന്നും ഇറങ്ങി പോയെന്നും യുവതി വീഡിയോയിൽ പറയുന്നു.
