അവതാരകയായി വളരെ ചെറുപ്പത്തില്‍ അരങ്ങേറ്റം കുറിച്ച മൃദുല 2009 ല്‍ പുറത്തിറങ്ങിയ മോഹന്‍ലാല്‍ ചിത്രമായ റെഡ് ചില്ലീസ് എന്ന ചിത്രത്തിലൂടെ സിനിമയിലെത്തി. തുടര്‍ന്ന് എല്‍സമ്മ എന്ന ആണ്‍കുട്ടി, 10.30 എഎം ലോക്കല്‍ കോള്‍ തുടങ്ങിയ ചിത്രങ്ങളും അഭിനയിച്ചു. ഫഹദ് ഫാസില്‍ ചിത്രമായ അയാള്‍ ഞാനല്ല എന്ന ചിത്രമാണ് അവസാനമായി പുറത്തിറങ്ങിയ മൃദുലയുടെ ചിത്രം.
ന്യൂ ജെൻ നാത്തൂന്മാർ എങ്ങനെ എന്ന് മൃദുല മുരളി പഠിപ്പിച്ചു തരും. അതും സ്വന്തം സഹോദരന്റെ ഭാര്യ കല്യാണിയെ കൂടെ അടുത്തിരുത്തി, ഇങ്ങനെ. കായലോരത്ത് രണ്ടുപേരും കൂടി ഷാപ്പി ഓണം കൊണ്ടാടിയതിന്റെ ചിത്രമാണ് പങ്കുവെച്ചത്. ഈ വർഷം ജനുവരിയിലാണ് മൃദുലയുടെ കൂട്ടുകാരി കൂടിയായ കല്യാണി സഹോദര ഭാര്യയായി കുടുംബത്തിലേക്ക് പ്രവേശിച്ചത്.
ഒരു മൺകുടത്തിൽ നിന്നും ഗ്ലാസിലേക്ക് നല്ല കിടിലൻ കള്ള് പകരുന്ന തന്റെ ചിത്രമാണ് മൃദുല പോസ്റ്റ് ചെയ്ത രണ്ടു ചിത്രങ്ങളിൽ ഒന്ന്. ‘പോഷകാഹാരം’ ഇല്ലാതെ എന്തോണം എന്ന് ഒരാൾ രസകരമായി കമന്റ് ചെയ്തു.
