ക്യാമറ ഫോക്കസ് ചെയ്ത് അടുക്കുന്തോറും വെള്ളത്തിൽ സ്ഫടികം പോലെ തെളിഞ്ഞു വരുന്നതു പൊലീസ് യൂണിഫോമിൽ മലയാളത്തിന്റെ പ്രിയ നടൻ ടൊവിനോ തോമസിന്റെ ചിത്രമാണ്.അന്വേഷിപ്പിൻ കണ്ടെത്തും എന്ന ചിത്രത്തിന്റെ ആദ്യ ലുക്കാണിത്. അണിയറപ്രവർത്തകർ ഇന്നു പുറത്തുവിട്ടിരിക്കുന്ന മനോഹരമായ കാഴ്ച്ച ഏറെ ശ്രദ്ധേയമാകുന്നു.ഈ ചിത്രത്തിന്റെ ആദ്യത്തെ കാഴ്ച്ചയുമാണിത്.
വെള്ളത്തിൽ തലതിരിഞ്ഞു വരുന്ന ടൊവിനോയുടെ മുഖം എത്തി നിൽക്കുന്നതു നേർക്കുള്ള മുഖത്തിൽ. അതിന്റെ പ്രതിഫലനമാണ് വെള്ളത്തിൽ തെളിയുന്നത്വലിയ അർത്ഥം നൽകുന്നതാണ് ഈ കാഴ്ച്ച .നവാഗതനായ ഡാർവിൻ കുര്യാക്കോസ് സംവിധാനം ചെയ്യുന്ന ഈ ചിത്രം സമീപകാലത്തെ ഏറ്റം മികച്ച ഇൻസ്റ്റിഗേറ്റീവ് ത്രില്ലറായിരിക്കും. എസ്.ഐ. ആനന്ദ് എന്ന കഥാപാത്രത്തെയാണ് ഈ ചിത്രത്തിൽ ടൊവിനോ അവതരിപ്പിക്കുന്നത്.
അന്വേഷകരുടെ കഥയല്ല അന്വേഷണങ്ങളുടെ കഥ എന്ന ടാഗ് ലൈനോടെയാണ് ഈ ചിത്രമെത്തുന്നത്. കാപ്പയുടെ വലിയ വിജയത്തിനു ശേഷം തീയേറ്റർ ഓഫ് ഡ്രീംസിന്റെ ബാനറിൽ തിരക്കഥാകൃത്ത് ജിനു.വി. ഏബ്രഹാം, ഡോൾവിൻ കുര്യാക്കോസ് എന്നിവരാണ് ഈ ചിത്രം നിർമ്മിക്കുന്നത്.
വൻ താരനിരയുടെ അകമ്പടിയോടെയും വലിയ മുതൽ മുടക്കോടെയുമാണ് ഈ ചിത്രമെത്തുന്നത്. ഷമ്മി തിലകൻ, ബാബുരാജ്, സിദ്ദിഖ്, ഇന്ദ്രൻസ്, കോട്ടയം നസീർ,അസീസ് നെടുമങ്ങാട്, വിനീത് തട്ടിൽ, ജയ്സ് ജോർജ്, പ്രമോദ് വെളിയനാട്, അർത്ഥനാ ബിനു, അശ്വതി മനോഹരൻ, കെ.കെ.സുധാകരൻ, എന്നിവരും ഈ ചിത്രത്തിലെ പ്രധാന താരങ്ങളാണ്.ജിനു.വി.ഏബ്രഹാമിന്റേതാണ്. കടുവയുടെ മികച്ച വിജയത്തിനു ശേഷം ജിനു.വി. ഏബ്രഹാം തിരക്കഥ രചിക്കുന്ന ചിത്രം കൂടിയാണിത്.സന്തോഷ് വർമ്മയുടെ വരികൾക്ക് ഈണം പകർന്നിരിക്കുന്നത് പ്രശസ്ത തമിഴ് സംഗീത സംവിധായകനായ സന്തോഷ് നാരായണൻ ഈണം പകർന്നിരിക്കുന്നു.ഛായാഗ്രഹണം – ഗൗതം ശങ്കർ.എഡിറ്റിംഗ് – സൈജു ശ്രീധർ.കലാസംവിധാനം – ദിലീപ് നാഥ്. മേക്കപ്പ് – സജി കാട്ടാക്കടകോസ്റ്റ്യും – ഡിസൈൻ – സമീരാ സനീഷ്.ചീഫ് അസ്സോസ്സിയേറ്റ് ഡയറക്ടർ – അനീവ്സുക്യമാരൻ.പ്രൊഡക്ഷൻ എക്സിക്കുട്ടീവ് – പ്രതാപൻ കല്ലിയൂർ. പ്രൊഡക്ഷൻ കൺടോളർ – സഞ്ജു ജെ. കോട്ടയം, കട്ടപ്പന, തൊടുപുഴ എന്നിവിടങ്ങളിലായി ചിത്രീകരണം പൂർത്തിയായ ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു.
