12 വയസ്സുള്ള പെൺകുട്ടിയെ വീട്ടു ജോലിക്ക് വെക്കുകയും ചെയുന്ന ജോലിയിൽ പിഴവ് വന്നാൽ ചട്ടുകം വെച്ച് പൊളിക്കുകയും ചെയ്ത ദമ്പതികൾ അറസ്റ്റിൽ. അയൽവാസികൾ രക്ഷപ്പെടുത്തുന്നതിന് മുമ്പ് അവർ കുട്ടിയെ നാല് ദിവസത്തോളം പൂട്ടിയിട്ട വീട്ടിൽ തനിച്ചാക്കി.
നാഗ്പൂരിൽ വീട്ടുജോലിക്കാരിയായ 12 വയസ്സുകാരിയെ ദമ്പതികൾ ചൂടുള്ള ചട്ടിയും കത്തിയും സിഗരറ്റും ഉപയോഗിച്ച് പീഡിപ്പിച്ചതായി പോലീസ് പറഞ്ഞു. ദമ്ബതികൾ നാല് ദിവസത്തേക്ക് കുട്ടിയെ തനിച്ചാക്കി ബെംഗളൂരുവിലേക്ക് പോയതാണ് ഏറ്റവും മോശമായതെന്ന് പോലീസ് പറഞ്ഞു.
നാഗ്പൂരിലെ അഥർവ നഗരി സൊസൈറ്റിയിലുള്ള ദമ്പതികളുടെ വീട്ടിൽ വീട്ടുജോലികൾ ചെയ്യാനാണ് പെൺകുട്ടിയെ മൂന്ന് വർഷം മുമ്പ് ബെംഗളൂരുവിൽ നിന്ന് കൊണ്ടുവന്നത്. എൻജിഒ പ്രവർത്തകയായ ശീതൾ പാട്ടീൽ പറയുന്നതനുസരിച്ച്, പെൺകുട്ടി തെറ്റ് ചെയ്താൽ തൊഴിലുടമ അവളെ ചൂടുള്ള പാൻ അല്ലെങ്കിൽ സിഗരറ്റ് ഉപയോഗിച്ച് പൊള്ളിച്ചിരുന്നു.
പ്രതികളായ ദമ്പതികൾ ബംഗളൂരുവിൽ പോയ സമയത്തുണ്ടായ പവർ കട്ട് പെൺകുട്ടിയെ രക്ഷപ്പെടുത്താൻ കാരണമായി. അവൾ ജനാലയിൽ നിന്ന് സഹായത്തിനായി നിലവിളിച്ചു, വാതിൽ തകർത്ത് തുറന്ന അയൽവാസികളെ അറിയിക്കുകയും പെൺകുട്ടിയെ മർദനമേറ്റ നിലയിൽ കാണുകയും ചെയ്തു.
കുട്ടിയുടെ ശരീരമാസകലം പൊള്ളലേറ്റ പാടുകൾ ഉണ്ടായിരുന്നു. വൈദ്യപരിശോധനയ്ക്ക് വിധേയയാക്കി, പീഡനത്തിന്റെ ലക്ഷണങ്ങൾ കണ്ടെത്തി, പോലീസ് ഓഫീസർ വിക്രാന്ത് സംഗനെ പറഞ്ഞു.
ലോക്കൽ പോലീസ് ബെംഗളൂരുവിലെ അവരുടെ സഹപ്രവർത്തകരുമായി ബന്ധപ്പെട്ടു, പ്രതികളായ ദമ്പതികളെ പിടികൂടി നാഗ്പൂർ പോലീസിന് കൈമാറി. ദമ്പതികൾക്കെതിരെ കേസെടുത്തിട്ടുണ്ട്, സംഭവത്തിൽ കൂടുതൽ അന്വേഷണം നടന്നുവരികയാണ്.
പെൺകുട്ടിയെ നാഗ്പൂരിൽ എത്തിച്ചതിന് ശേഷം അവർക്ക് വിദ്യാഭ്യാസവും പരിചരണവും നൽകാമെന്ന് പ്രതികളായ ദമ്പതികൾ പെൺകുട്ടിയുടെ മാതാപിതാക്കളോട് വാഗ്ദ്ധാനം ചെയ്തിരുന്നതായി റിപ്പോർട്ടുണ്ട്.
